November
av Aslaug Låstad Lygre

Vinteren stikk fram si bleike hand,
grin og gliser kaldt,
sløkkjer ut hausten sin fargebrann,
vaskar ut alt og målar med frosen finger. 

Målar med bleikblåe vinterlet,
sopar med iskald sno.
Tungt gjennom skogen det sukkar og græt
over hausten som sloknar no. 

Frostskoddedimme og ullen luft,
hardfrosen veg og bø,
rimkvite strå over tun og tuft
og ein dag den første snø.

Back

Du får ikke kopiere grafikk fra mine sider!